Čamu poza dla snu vielmi važnaja?

Niapravilnaja pastava cieła padčas adpačynku ŭzmacniaje boli ŭ śpinie, šyi, ściohnach i plačach i moža ŭzmacniać prablemy sustavaŭ i ź ciskam.

Udzień muskuły i źviazki vašaha cieła ŭvieś čas aktyŭna pracujuć, kab padtrymlivać vašu pastavu, niezaležna ad taho, ruchajeciesia vy ci siedzicie. Padčas snu jany musiać adpačyć dla adnaŭleńnia arhanizma. Kali my śpim, naša pastava bolš statyčnaja, čym u luby inšy čas. Voś čamu pravilnaja poza i dobry matrac vielmi važnyja dla padtrymańnia vašaha cieła i dziela taho, kab paźbiehnuć prablemaŭ z aporna-ruchalnym aparatam.

Akramia zachavańnia zdaroŭja chrybta, pravilnaja poza dapamoža adpačyć usiamu ciełu i lepš pačuvacca ranicaj.

Jakaja poza dobraja dla snu?

Vaša cieła musić być rassłablenym. Kali kładzieciesia na łožak, chrybiet musić zachoŭvać naturalnuju formu. Dastatkovuju padtrymku zabiaśpiečyć dobry i ŭ mieru ćviordy matrac.

Jak lehčy pravilna? Kantrolny śpis

  1. Paźbiahajcie vysokich padušak. Niapravilna padabranaja vyšynia paduški abo jaje niapravilnaje raźmiaščeńnie pryvodziać da vyhinu šyjnaha i hrudnoha adździełaŭ chrybta. Chrybiet pavinien znachodzicca amal u vyprastanym stanoviščy. Šyja pavinna padtrymlivacca paduškaj, ale hałava nie musić być nachilenaja da hrudziej. Erhanamičnyja paduški idealna padychodziać. Kłopat ab pravilnym raźmiaščeńni cieła pryviadzie da źnižeńnia napiataści i bolevych adčuvańniaŭ u vobłaści šyi i śpiny.
  2. Kali vy śpicie na baku, trochu padciśnicie nohi. Takim čynam, vy dajecie adpačyć muskułam vakoł chrybta.
  3. Kali vy śpicie na śpinie, nie kładzicie ruki za hałavu abo pad śpinu, bo ŭ takoj pozie naša cieła adčuvaje značnuju nahruzku. Lepš za ŭsio raźmiaścić ruki svabodna ŭzdoŭž cieła.
  4. Nie kładziciesia na tyja častki cieła, jakija vam balać. Naprykład, kali vy paciahnuli pravaje plačo, to nie varta spać na pravym baku, navat kali tak jano mieniej balić — ranicaj budzie horš.
  5. Nie śpicie, pakłaŭšy ruki pad hałavu. Niekatoryja nie ŭjaŭlajuć sabie bolš zručnaha stanovišča, adnak heta dadaje lišniuju nahruzku na plečy.
  6. Kali vy śpicie na baku, lepš pakłaści pamiž kaleniaŭ tonkuju padušku. Takim čynam, vy paźbiehniecie pavarotu chrybta vakoł jaho vosi.
  7. Kali ŭ vas balić ściahno, abaviazkova śpicie na śpinie, nie napružvaje jaho dadatkova. Taksama možna źmiaścić nievialikuju padušku pad kaleni.
  8. Nie padryvajciesia z łožku rezka. Dobry son lepš za ŭsio uviančać pravilnym abudžeńniem. Paciahniciesia ŭ łožku, pierš čym ŭstavać. Vašy ciahlicy rassłablenyja, i im budzie karysna trochi vašaj uvahi. Ustavańnie pačnicie z taho, što apuścicie nohi z łožka, zatym siadźcie na jaho kraj.
Клас
64
Панылы сорам
1
Ха-ха
1
Ого
1
Сумна
1
Абуральна
1