Lesia i Viačasłaŭ
Chłopca Alesi Kurejčyk kličuć Viačasłaŭ Arastaŭ. 30 maja jamu spoŭnicca 27 hod, i svoj dzień naradžeńnia jon sustrenie ŭ źniavoleńni.
«Słava i Lesia razam z 2016 hoda, paznajomilisia padčas vučoby ŭ BDUKM. Słava — z Połacka, Lesia — ź Minska, — raskazvaje ich znajomaja. —
Lesia i Słava byli bilinhvami z momantu našaha znajomstva ŭ 2019-m. Mnie padajecca, Słava byŭ bolš u bok biełaruskaj movy schileny. Navat kryŭdziŭsia na mianie, kali na ruskuju pierachodziła.
A ŭ Lesi, vidać, było mała biełaruskamoŭnaha atačeńnia, tamu jana była rada pierajści na biełaruskuju pry luboj mahčymaści. Sacsietki jana pieraviała na biełaruskuju z pačatkam vajny, ale ŭ pryvatnaj kamunikacyi była biełaruskamoŭnaj i raniej».
Para raniej zapisvała padkasty, u tym liku i pa-biełarusku. Lesia zajmałasia chend-mejdam, šyła šopiery.
Słavu kaliści sudzili za ŭdzieł u adnym z maršaŭ, jon sam pryjšoŭ pa paviestcy ŭ sud i atrymaŭ 20 bazavych štrafu.
Alesia i Słava. Fota: sacsietki
Paru zatrymali 24 maja. Miarkujučy pa infarmacyi ŭ kanale siłavikoŭ, ich abaich abvinavačvajuć pa artykule 342 KK za ŭdzieł u maršach u 2020 hodzie.