«My siońnia nie možam nie smutkavać ab tym, što adbyvajecca na brackaj Ukrainie. Niesumnienna, tyja ž duchi złości padniabiesnaj nastroilisia na carkvu našu, imknučysia nie prosta padzialić pravasłaŭnych ludziej Rusi i Ukrainy, ale zrabić tak, kab pamiž nami pralehła prorva. <… > Hłyboka pierakanany ŭ tym, što, pakolki ŭsie hetyja namahańni nie ad Boha i nie pa Božym błahasłavieńni, sapraŭdnaj mety nikoli dasiahnuta nie budzie», ‒ skazaŭ patryjarch.
RPC, pavodle patryjarcha Kiryła, stavicca z «poŭnym razumieńniem» da taho, jak «pakutuje Ukrainskaja pravasłaŭnaja carkva».
«My z poŭnym razumieńniem stavimsia da taho, jak siońnia pakutuje Ukrainskaja pravasłaŭnaja carkva, my z razumieńniem stavimsia da taho, što błaženny mitrapalit Anufryj i jepiskapat pavinny maksimalna mudra siońnia dziejničać, kab nie ŭskładniać žyćcio svajho viernika. My da ŭsiaho hetaha z razumieńniem stavimsia, ale my molimsia i ab tym, kab nijakija časovyja, vonkavyja mižścieńni nikoli nie razburyli duchoŭnaje adzinstva našaha naroda», — skazaŭ patryjarch.
U piatnicu ŭ Kijevie Sabor UPC pryniaŭ pastanovu, u jakoj havorycca pra pryniatyja «dapaŭnieńni i źmieny ŭ statut ab kiravańni UPC, jakija śviedčać ab poŭnaj samastojnaści i niezaležnaści Ukrainskaj pravasłaŭnaj carkvy».
Čytajcie taksama:
Teołah: Vychad UPC z-pad kiraŭnictva Maskoŭskaha patryjarchata adbyŭsia, i jon nosić nie taktyčny, a stratehičny charaktar
Maskoŭski patryjarch Kirył upeŭnieny, što «Rasija nikoli ni na koha nie napadała»
