Fota: Hienieralny štab USU
«Chaču padziakavać kožnamu z vas za słužbu. Vy ryzykujecie svaim žyćciom dziela ŭsich nas i našaj dziaržavy. Dziakuj vam za abaronu niezaležnaści Ukrainy. Bieražycie siabie!» — skazaŭ Zialenski vajskoŭcam.
I paabiacaŭ: «Usio adnovim, adbudujem, napoŭnim žyćciom».
Staršynia Charkaŭskaj AVA prainfarmavaŭ prezidenta, što ciapier 31% terytoryi vobłaści akupavana, a 5% ukrainskija vojski vyzvalili ad rasijskich zachopnikaŭ.
Vizit Zialenskaha, pakolki jon pieršy z pačatku vajny za miežy Kijeŭščyny — simvaličny. Heta adznačaje karespandent «Bi-bi-si» Džo Invud:
«Toje, što Zialenski zmoh pryjechać u Charkaŭ, pakazvaje, nakolki źmianiłasia situacyja ŭ horadzie. Jašče niekalki tydniaŭ tamu vizit byŭ by niemahčymy.
Ale nie varta ciešyć siabie — Charkaŭ u biaśpiecy tolki časova. U inšych rajonach ukrainskija vojski dziejničajuć nie tak paśpiachova — na Danbasie rasijskaja artyleryja zmušaje ich adstupać.
Ukraina sa svaim charyzmatyčnym prezidentam vyjhraje infarmacyjnuju vajnu. Ale, na žal, ahulny zychod kanfliktu vyrašajecca ŭ inšaj płoskaści».
