Andrej Kryvanosaŭ. Fota BiełTA
Havorka idzie ab płanavych mabilizacyjnych vučeńniach z vajennymi kamisaryjatami i arhanizacyjami Uzbrojenych sił, jakija dysłakujucca na terytoryi rehijona.
Pavodle Kryvanosava, mierapryjemstvy takoha rodu tradycyjna pravodziacca dla pavyšeńnia ŭzroŭniu bajavoj i mabilizacyjnaj hatoŭnaści vajennych kamisaryjataŭ, udaskanaleńnia vajennych viedaŭ i praktyčnych navykaŭ vajennaabaviazanych.
Zbory akumulujuć usie rajony vobłaści.
Andrej Kryvanosaŭ taksama raskazaŭ, što padčas vučeńniaŭ budzie abmiežavany ruch pa asobnych terytoryjach, prylehłych da abjektaŭ Uzbrojenych sił. Zapłanavanyja zaniatki pa ahniavoj padrychtoŭcy na strelbiščach vobłaści.
«Kab paźbiehnuć niaščasnych vypadkaŭ prosim hramadzian u hety pieryjad nie nabližacca da strelbišča i nie zachodzić za miažu, paznačanuju pakazalnikami na miascovaści, prylehłaj da jaho terytoryi», — adznačyŭ vajenkam.
Taksama ŭ Žłobinskim rajonie z 28 červienia pa 16 lipienia zapłanavanyja vajennyja zbory z vajennaabaviazanymi dla terytaryjalnych vojskaŭ.
