Pad zabaronu trapiła nafta, jakaja pastaŭlajecca ŭ ES pa mory. Pa źviestkach ahienctva, zabarona na pastaŭki praz party moža kaštavać Rasii kala $10 młrd u hod u vyhladzie dachodaŭ ad ekspartu.

Spynieńnie pastavak praz paŭnočnuju halinku naftapravoda «Družba» ŭ Polšču i Niamieččynu budzie kaštavać jašče $12 młrd, padličyŭ Bloomberg.

Rasija praciahnie zarablać kala $6 młrd za hod na eksparcie nafty ŭ Vienhryju, Słavakiju i Čechiju praz paŭdniovyja halinki trubapravoda «Družba».

Taksama, jak piša Bloomberg, ES płanuje ŭvieści piersanalnyja sankcyi suprać patryjarcha Kiryła (Hundziajeva) i eks-alimpijskaj čempijonki Aliny Kabajevaj, jakaja, zhodna z dakumientam ES, moža być «ciesna źviazanaja» z prezidentam RF Uładzimiram Pucinym.

Jak adznačaje ahienctva sa spasyłkaj na krynicy, z novaha pakieta abmiežavańniaŭ suprać Rasii vyklučyli zabaronu na kuplu jeŭrapiejskaj nieruchomaści dla rasijanaŭ. Ad hetaj miery admovilisia pad ciskam Kipra, piša ahienctva.

Jeŭrasajuz uzhadniŭ šosty pakiet sankcyj suprać Rasii

Клас
3
Панылы сорам
0
Ха-ха
0
Ого
0
Сумна
0
Абуральна
0