Fota: AP
Sakratar Rady biaśpieki Rasii Mikałaj Patrušaŭ zajaviŭ, što Polšča pierachodzić da zachopu terytoryj na zachadzie Ukrainy.
«Hetak zvanyja zachodnija partniory kijeŭskaha režymu taksama nie suprać skarystacca ciapierašniaj situacyjaj u karyślivych intaresach i majuć asablivyja płany na ŭkrainskija ziemli. (…) Miarkujučy pa ŭsim, Polšča ŭžo pierachodzić da dziejańniaŭ pa zachopie zachodnich ukrainskich terytoryj», — zajaviŭ Patrušaŭ u aŭtorak na naradzie pa nacbiaśpiecy ŭ Pryvołžy.
«Jarkim tamu paćviardžeńniem staŭ vizit u Kijeŭ polskaha prezidenta Dudy, a taksama jaho zajavy ab tym, što nieŭzabavie polska-ŭkrainskaja miaža pierastanie isnavać», — skazaŭ Patrušaŭ.
Čynoŭnik taksama zajaviŭ, što «ŭžo ceły šerah dziaržaŭ viadzie aktyŭnuju pracu pa jaje (Ukrainy) raździaleńni».
Pa słovach sakratara Rady biaśpieki, prezident Ukrainy Uładzimir Zialenski maje namier dać palakam asablivy status, u tym liku mahčymaść zajmać kirujučyja dziaržaŭnyja pasady.
«U hetym vypadku suvierenitet Ukrainy nie chvaluje ni kiraŭnika dziaržavy, ni tym bolš ZŠA i ich sajuźnikaŭ, jakija hatovyja achviaravać intaresami ŭkrainskaha naroda dla realizacyi svaich hieapalityčnych metaŭ (…) Ich dziejańni viaduć da realnaha razvału krainy», — skazaŭ sakratar Rady biaśpieki RF.
Čytajcie jašče:
Zajavy Łukašenki pra Polšču i Zachodniuju Ukrainu: voś jak heta źviazana z Chiersonam
