Ab hetym zajaviŭ prezident Ukrainy Uładzimir Zialenski u intervju Newsmax.
«Sproba zabić lidara toj ci inšaj krainy — heta, ja b skazaŭ, słabaść. Kali ty nie možaš kazać, to heta słabaść. Słabaść u tym, kab pačać vajnu, i RF užo prademanstravała hetuju słabaść. Kali vy nie možacie akupavać hetuju krainu, heta słabaść», — padkreśliŭ kiraŭnik Ukrainy.
Taksama jon źviarnuŭ uvahu, što śviet pavinien pierastać abaraniać rasijskaha prezidenta, asabliva paśla ich źvierstvaŭ va Ukrainie.
Taksama Zialenski zajaviŭ, što Ukraina nie źbirajecca vykarystoŭvać rakietnyja sistemy z pavialičanym radyusam dziejańnia dla naniasieńnia ŭdaraŭ pa terytoryi Rasii.
«Ja viedaju, što niekatoryja ludzi ŭ ZŠA ci ludzi ŭ Biełym domie kažuć, što my možam vykarystoŭvać ich (dalnabojnyja rakiety) dla napadu na Rasiju: hladzicie, my nie płanujem atakavać Rasiju. Rasijskaja Fiederacyja nas nie cikavić. My nie vajujem na ich terytoryi», — skazaŭ kiraŭnik Ukrainy.
