«Hety pakiet budzie ŭklučać sistemy bolš dalokaha dziejańnia, u pryvatnaści HIMARS, a taksama bojeprypasy, jakija dazvolać ukraincam bolš dakładna nanosić udary pa klučavych celach u zonie bajavych dziejańniaŭ unutry Ukrainy, a taksama dapamohuć im dać adpor prasoŭvańniu Rasii», — pryvodziać słovy čynoŭnika infarmacyjnyja ahienctvy.
U pakiet dapamohi koštam 700 młn dalaraŭ taksama pavinny ŭvajści radyjołakacyjnyja stancyi kontrbatarejnaj baraćby, RŁS nazirańnia za pavietranaj prastoraj, supraćtankavyja rakiety Javelin i bojeprypasy.
M142 HIMARS — amierykanskaja RSZA, jakaja moža nieści šeść reaktyŭnych snaradaŭ abo adnu apieratyŭna-taktyčnuju balistyčnuju rakietu ATACMS. Sistema mantujecca na bazie kołavaha šasi. Kalibr snaradaŭ składaje 227 mm. u zaležnaści ad užyvalnych bojeprypasaŭ dalokaść stralby varjirujecca ad 2 da 500 km. Na 500 km moža lacieć rakieta MGM-140 ATACMS z bajavoj častkaj masaj da 560 kh.