Fota: zelenskiy_official / Instagram
«Situacyja na ŭschodzie Ukrainy vielmi składanaja. My štodnia hublajem ad 60 da 100 sałdat zabitymi i kala 500 čałaviek paranienymi ŭ bai», — zajaviŭ Zialenski.
Taksama, pavodle Zialenskaha, ukrainskaja armija nie źbirajecca atakavać rasijskija terytoryi, u tym liku z dapamohaj amierykanskich reaktyŭnych sistem załpavaha ahniu z pavialičanym radyusam.
Pa jaho słovach, Kijeŭ nie zacikaŭleny ŭ rasijskich terytoryjach i nie źbirajecca za ich zmahacca. Pry hetym Zialenski padkreśliŭ, što sastupać svaje terytoryi Ukraina nie maje namieru.
Prezident Ukrainy nazvaŭ słabaściu Pucina i Rasii toje, što jany nie zdoleli akupavać mienšuju susiedniuju krainu. Taksama jon ličyć słabaściu sproby zabić jaho.
«Sproba zabić lidara toj ci inšaj krainy — heta, ja b skazaŭ, słabaść, — praciahnuŭ jon. ‒ Kali vy nie ŭmiejecie razmaŭlać, značyć, heta słabaść».
