Sudździa Leninskaha rajona Minska Nastaśsia Ačałava pryznała dziaŭčynu vinavataj pavodle art. 342 Kryminalnaha kodeksa (Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich). Jaje vyzvalili ŭ zale suda.
Darju zatrymali 25 lutaha 2022 hoda. Da suda jana znachodziłasia pad vartaj.
Siabry apisvajuć jaje jak nadziejnuju i spahadlivuju siabroŭku i spraviadlivaha čałavieka, jaki zaŭsiody dapamahaje inšym. Jana zachaplajecca futbołam, ź dziacinstva baleje za «Barsiełonu» i źjaŭlajecca prezidentkaj aficyjnaha fan-kłuba kamandy ŭ Biełarusi, paviedamlaje «Viasna».
