U pałku Kalinoŭskaha ciapier bolš za 20 paramiedykaŭ. Siarod ich — byłyja daktary i dabraachvotniki z bajavym dośviedam.

Fota: th-kanał pałka Kalinoŭskaha

Fota: th-kanał pałka Kalinoŭskaha

Asnoŭnaja zadača paramiedyka — stabilizavać stan paranienaha da pieravozu ŭ špital.

«Jany spyniajuć kryvacioki, stabilizujuć dychańnie, fiksujuć pierałomy», — kaža Jan Mielnikaŭ, były načalnik miedyčnaj słužby pałka Kalinoŭskaha. Ciapier jon adkazvaje ŭ bataljonie za artyleryju, bo paramiedykaŭ u ich dastatkova, kab całkam zakryć hetuju nišu.

Fota: skrynšot ź Jutub-kanała Siarhieja Biaspałava

Fota: skrynšot ź Jutub-kanała Siarhieja Biaspałava

Usia zona bajavych dziejańniaŭ dzielicca na čyrvonuju, žoŭtuju i zialonuju. U pieršaj idzie abstreł, zadača parmiedyka tut — vyciahnuć paranienaha z-pad ahniu i spynić kryvaciok. U druhoj (nastupnaja vulica, naprykład, ad čyrvonaj zony) užo možna stabilizavać dychańnie i naładzić cyrkulacyju kryvi. U treciaj, zialonaj zonie, jość mahčymaść vyklikać chutkuju dapamohu, sačyć za pulsacyjaj, saturacyjaj i pracaj serca.

«Ja adkazvaŭ za padrychtoŭku paramiedykaŭ i sačyŭ, kab u bajcoŭ było ŭsio nieabchodnaje ŭ aptečkach, — kaža Jan. — Jość standart, pa jakim jany pavinny być sabranyja, i pratakoł, jaki tłumačyć, jak i pa jakich pryjarytetach treba akazvać pieršuju miedycynskuju dapamohu. Spačatku spynić impulsiŭny kryvaciok, potym zaniacca dychalnymi šlachami, paśla cyrkulacyjaj i tolki paśla pieraachałodžvańniem». 

Paramiedyki z pałka Kalinoŭskaha prachodzili padrychtoŭku va ŭkrainskaj vałanciorskaj sietcy «Haśpitaljery», a taksama ŭ «Žanočym vieteranskim ruchu»

«U zaplečniku paramiedyk maje turnikiety, roznyja bandažy, survetki, jakija nakładvajucca na ranu. A taksama trubki, patrebnyja dla zabiaśpiečeńnia dychańnia, — jany vykarystoŭvajucca, kali čałaviek znachodzicca bieź śviadomaści.

Taksama jość śpiecyjalnyja nalepki, jakija klejacca pry ranieńni lohkich i pnieŭmatoraksie, dekampresijnyja ihły, šyny, jakija vykarystoŭvajucca dla fiksavańnia pierałomaŭ, roznyja infuzii, naprykład, chłaryd natryju, jaki ŭ sistemie daje vadkaść, zamianiaje kroŭ. Heta amal što poŭny pieralik taho, što maje paramiedyk bajavoj hrupy», — kaža jon. 

Fota: th-kanał pałka Kalinoŭskaha

Fota: th-kanał pałka Kalinoŭskaha

U bataljonie byli vypadki, kali paramiedyki akazvali dapamohu nie tolki bajcam, ale i mirnym žycharam. Naprykład, u Irpieni.

Pa słovach Jana, čałavieku, jaki choča stać paramiedykam, nie abaviazkova mieć miedycynskuju adukacyju. Asnoŭnaje, čamu jaho vučać na kursach (jany iduć dva-try dni), — heta spyniać kryvaciok, tampanavać rany, nakładvać turnikiety i šyny. 

Ciapier u pałku Kalinoŭskaha za miedycynski kirunak adkazvaje vypusknica mieduniviersiteta. Jana chirurh pa śpiecyjalnaści. 

«Taksama treba padkreślić, što ŭ nas jość šeść čałaviek, jakija vučylisia ŭ miedycynskim univiersitecie albo ŭžo pracavali daktarami. Z pavieličeńniem kolkaści ludziej my abirajem novych, pravodzim zaniatki. Tamu ŭ nas praparcyjna raście kolkaść bajcoŭ i tych, chto akazvaje im dapamohu

Paramiedykami my prapanoŭvajem stać tym bajcam, jakija ŭžo majuć dośvied viadzieńnia bajavych dziejańniaŭ. Ale heta pa miery nieabchodnaści, kali treba daŭkamplektavać rotu. Bajcy prachodziać kursy i taksama pačynajuć akazvać dapamohu niepasredna na froncie», — tłumačyć jon. 

Mnohija z tych, chto zapisvajecca ŭ połk, chočuć adrazu iści ŭ boj. Jan uspaminaje, što ŭ jaho taksama tak było. 

«Ja da 2016 hoda vyvučaŭ tolki ŭzbrajeńnie, viedaŭ chiba asnoŭnyja pryncypy, jak spyniać kryvaciok, i ŭsio.

Adnojčy ŭ nas zahinuŭ bajec, i ja zrazumieŭ, što, kali b viedaŭ bolš, zmoh by jaho ŭratavać. Pryjšoŭ da taho, što asabista prajaviŭ inicyjatyvu i zapisaŭsia na kursy da «Haśpitaljeraŭ». I potym staŭ tym, chto adzin ź pieršych bieh da paciarpiełaha, kab dapamahčy», — raskazvaje Jan. 

Praca paramiedykam psichałahična niaprostaja. Kali Jan upieršyniu ŭbačyŭ, jak ad vybuchu čałavieku adarvała kiść, ź im zdaryŭsia stupar. 

«Ja ŭvohule taja asoba, jakaja bajałasia kryvi. Upieršyniu hłybokija ranieńni z nastupnymi amputacyjami ja pabačyŭ na Majdanie. Z taho času pačaŭ niejak pryvykać, ciapier mianie heta nie pužaje. Navat nie tak — ty abstrahuješsia ad usiaho, što adbyvajecca, i zasiarodžvaješsia na mecie dapamahčy. Tolki potym asensoŭvaješ, nakolki ciažkaje ranieńnie bačyŭ».

Čytajcie taksama:

5 datyčnych da Biełarusi vajskoŭcaŭ zahinuli na vajnie z boku Rasii. Chto hetyja ludzi

Zialenski raspavioŭ pra straty Ukrainy na Danbasie i pra słabaść Pucina

Клас
23
Панылы сорам
0
Ха-ха
0
Ого
0
Сумна
0
Абуральна
0