Muzykanty nahadali, što zbor srodkaŭ pačaŭsia dva miesiacy tamu, 4 krasavika. Srodki atrymaje dabračynnaja arhanizacyja World Central Kitchen na svaju inicyjatyvu ChefsForUkraine.
Sutnaść inicyjatyvy — u nadańni biaspłatnych abiedaŭ i praduktovych naboraŭ ukraincam, vymušanym pakinuć svaje damy z-za vajny i padacca ŭ biežancy jak u samoj Ukrainie, tak i za miažoj.
«WCK dała bolš za 31 miljon abiedaŭ u bolš čym 230 haradach dziakujučy 4300 supracoŭnikam, jakija niastomna pracujuć, kab nakarmić susiedziaŭ, što majuć u hetym patrebu, navat kali sami padviarhajucca napadam», — havorycca ŭ paviedamleńni World Central Kitchen.
