Na partale dziaržzakupak u mai źjaviłasia mnostva łotaŭ na arhanizacyju pachavańniaŭ u roznych haradach, vyjavili karespandenty telehram-kanała «Možiem objaśniť» (MO).
Jak praviła, mahiły zakuplajuć dla ludziej biez svajakoŭ abo ź nieabaronienych sacyjalnych hrup (čyje siemji nie mohuć arhanizavać pachavańnie), pry hetym kolkaść mahił anamalnaja.
U Chabaraŭskim krai zamoŭlena kapańnie adrazu 700 mahił. Anałahičny kantrakt byŭ piać hadoŭ tamu — ale ŭsiaho na 120 mahił, pry hetym mocna daražejšy za ciapierašni. Heta značyć, ciapierašnija pachavańni arhanizujuć na chutkuju ruku.
U Krasnajarsku zakuplajuć kala 100 mahił — naohuł upieršyniu ŭ historyi zakazčyka, jaki raniej rabiŭ zakupki ŭ śfiery ŽKH.
U Kapiejskim rajonie Čalabinskaj vobłaści zamovili pachavańnie adrazu 37 pamierłych. U Karelii — 39.
A ŭ Murmansku nie paznačanaja kolkaść novych pachavańniaŭ: u dakumientacyi skazana, što jany płanujucca «čerhami».
Sotni ciełaŭ zahinułych na ŭkrainskaj vajnie jašče čakajuć viartańnia na radzimu i zachoŭvajucca ŭ refryžeratarach na čyhunačnych puciach— takija sastavy achryścili «ciahnikami miortvych», paviedamlaje MA Ukrainy.
RF nie śpiašajecca zabirać svaich zahinułych bajcoŭ i admaŭlajecca paviedamlać pra straty. U Kijevie śćviardžajuć što ich kolkaść pieravaliła za 30000.
