Uładzimir Zialenski padčas naviedvańnia Zaparožža. Fota ź jaho telehram-kanała
Pa-pieršaje, takim čynam Zialenski moža asabista daviedacca pra maralny duch vajskoŭcaŭ na froncie i toje, jak uładkavanaje ich žyćcio, — hetaha nie zamieniać nijakija spravazdačy i dakłady. Jon moža zadavać im pytańni naŭprost, a nie praz svaich padnačalenych, zaznačaje ekśpiert.
Najvažniejšaja funkcyja lidara — dapamahać ludziam adčuvać, što ich dziejańni asensavanyja, što ŭ ich achviar i pakut jość meta, ličyć Rajan. I mienavita heta robić Zialenski, kali źjaŭlajecca na pieradavoj i razmaŭlaje z vajskoŭcami — u tym liku samych nižejšych čynoŭ. Jon natchniaje ich.
Pryjazdžajučy na pieradavuju, Zialenski pakazvaje, nakolki jon vieryć u svajo vojska, dadaje Rajan. Pavodle jaho słovaŭ, u hety momant žyćcio prezidenta ŭ ich rukach, i taki davier palapšaje stasunki pamiž armijaj i palityčnym kiraŭnictvam krainy.
Akramia taho, tak prezident Ukrainy padkreślivaje, nakolki jany z Pucinym roznyja. «Ja amal upeŭnieny, što Pucin u najbližejšaj budučyni nie prymie zaprašeńnia naviedać rasijskija vojski va Ukrainie — drenna nakormlenyja i pad drennym kiraŭnictvam, choć i dobra ŭzbrojenyja», — ličyć ekśpiert.
Demanstracyja, što Zialenski nie «bunkierny prezident», pryciahvaje i ŭvahu suśvietnaj supolnaści, upeŭnieny Rajan. Tak prezident Ukrainy pakazvaje śvietu, što jon sapraŭdny lidar nacyi, jaki varty taho, kab jaho padtrymlivać, u tym liku doŭhaterminova.
