Nacyjanalnaja rada pa elektronnych ŚMI zabaraniła tranślacyju kala 80 kanałaŭ, jakija da hetaha času zastavalisia dastupnyja na terytoryi krainy — u asnoŭnym, heta kanały zabaŭlalnaha charaktaru.
Zabarona na tranślacyju była nakładzienaja ŭ adpaviednaści z novym zakonam, jaki siejm Łatvii pryniaŭ u kancy maja — jon dazvalaje abmiažoŭvać zamiežnyja prahramy, kali ich robiać u dziaržavach, jakija pahražajuć suvierenitetu inšych krain.
Heta pastanova ŭvachodzić u dziejańnie 9 červienia i budzie dziejničać da taho času, pakul Rasija nie spynić vajnu i nie addaść Krym.
Razam z tym Nacyjanalnaja rada vydała dazvoł na viaščańnie telekanału «Dožd́». Heta aznačaje, što ŭ budučyni telekanał budzie tranślavacca z Ryhi.
U pačatku sakavika «Dožd́» na čas spyniŭ svaju dziejnaść, a jaho hałoŭny redaktar Cichan Dziadko i mnohija rabotniki redakcyi pakinuli Rasiju.
Ź pierajezdam «Doždia» ŭ Ryhu stalica Łatvii stanovicca hałoŭnaj bazaj niezaležnych rasijskich ŚMI. Tam raźmiaščajucca taksama «Mieduza» i Rasijskaja słužba radyjo «Svaboda».
