Fota: skrynšot ź jutub-kanała Volhi Bondaravaj
Bondarava — aktyvistka «Infaśpiecnaza» i niezarehistravanaha ruchu «Antyvandał». Joj 39 hadoŭ, raniej jana pryciahvałasia da administracyjnaj i kryminalnaj adkaznaści — za kantrabandu cyharet u Polšču.
Čarhovaj achviaraj dziejnaści prapahandysckich telehram-kanałaŭ z vyrazna prarasijskaj pazicyjaj, da jakich u tym liku adnosicca kanał spadaryni Bondaravaj, staŭ hrodzienski asiłak Alaksandr Kodzis. Płanavałasia, što ŭ apošni dzień Fiestyvalu nacyjanalnych kultur asiłak na vačach u hledačoŭ budzie ciahnuć hružanyja pažarnyja aŭtamabili ahulnaj vahoj 60 ton. Padobnyja vystupleńni Alaksandr Kodzis raniej užo ładziŭ na haradskich śviatach.
Alaksandr ciahnie tralejbus u 2018 hodzie na Dzień Hrodna. Fota: hrodna.life / Rusłan Kulevič
«3-ha červienia Alaksandru paviedamili, što vystup admianiajecca «pa techničnych pryčynach». Pra heta Alaksandr raspavioŭ u svaich pastach u Instagram, jakija paźniej vydaliŭ», — paviedamlaje telehram-kanał «Prava majuć».
U toj samy dzień łukašysckija kanały pryśviacili hrodzienskamu vołatu dva dopisy zapar. U pieršym jany nie tolki «abhruntoŭvali», čamu Kodzis nie maje prava vystupać na dziaržaŭnych mierapryjemstvach, ale i abrazili biełaruskuju simvoliku i prapanavali čytačam pačać ckavać čałavieka ŭ sacsietkach, dałučyŭšy spasyłki na jaho akaŭnty ŭ Instagram i VK.
U nastupnym dopisie prapahandysty vykłali dva skrynšoty z Instagram. Zaŭvažna, što adzin z dvuch skrynšotaŭ, jaki jany vydavali publikacyju ŭ sacsietkach Kodzisa, naležyć zusim inšamu čałavieku. Dy i zrobleny jon byŭ, musić, jašče ŭ 2020 hodzie, a nie ciapier.
Nočču 4 červienia ŭ kanale Bondaravaj źjaviŭsia novy dopis, dzie aktyvistka śćviardžała, što Alaksandr Kodzis źniaty z usich mierapryjemstvaŭ u Hrodnie. Prailustravany dopis taksama starym skrynšotam historyi z akaŭnta, jaki naležyć inšamu čałavieku.
Dla Bondaravaj heta daloka nie pieršy vypadak, kali jana metanakiravana paskudzić ludziam, jakija majuć inšyja pohlady. U vyniku jaje danosaŭ niekatoryja jaje apanienty apynulisia za kratami. Jak u vypadku z Rusłanam Chichołam, jakomu ŭ krasaviku 2021 hoda prysudzili 1,5 hoda kałonii.
Volha Bondarava. Fota: euroradio.fm
U śpisie «dasiahnieńniaŭ» aktyvistki jość i danos na śviatara, paśla jakoha jaho prybrali z pasady nastajaciela pravasłaŭnaha prychoda.
«Nasilstviennoje naviazyvanije movy»
Adzin z rolikaŭ na svaim jutub-kanale, Volha pryśviaciła temie «nasilstviennoho naviazyvanija» biełaruskaj movy ŭ dziciačych sadkach. Jaje aburyła, što tam vučać biełaruskim słovam «dabranač», «dobry dzień», «dziakuj».
«Vot prišioł riebionok mojeho znakomoho iz sada i hovorit za stołom «dziakuj!». Tot «za nitočku» potianuł i vyjaśniłoś, čto etomu v sadu učat. Ja ponimaju vyražienije «błahodariu» — «błaho dariu». Ili «spasibo» — «spasi, Boh». No čto takoje «dziakuj»? Eto čto, pieriediełka polskoho Dziękuję?» — zadajecca pytańniem prarasijskaja aktyvistka.
Niadaŭna ŭ kanale Bondaravaj źjaviŭsia dopis, dzie jana aburajecca najaŭnaściu na płatnych parkoŭkach infarmacyjnych stendaŭ na biełaruskaj movie. Taki padychod aktyvistka nazyvaje ničym inšym, jak uščamleńniem pravoŭ ruskamoŭnych hramadzian u Biełarusi.
Dniami «ifaśpiecnazaŭka» naviedała Minsk i vulicu Zybickuju, dzie źniała karotkaje videa, pryśviečanaje baru Kalinouski. Pračytaŭšy infarmacyju pra toje, što bar nie pracuje pa techničnych pryčynach, Bondarava pramoviła: maŭlaŭ, my viedajem hetyja techničnyja pryčyny i čakajem źviestak ab prymusovaj likvidacyi. Biełaruskaha nacyjanalnaha hieroja jana nazyvaje «dochłym polskim terarystam».
Volhu Bondaravu razdražniaje ŭsio biełaruskamoŭnaje ci z nacyjanalnym sensam.
U pieršy dzień Fiestyvalu nacyjanalnych kultur jana źviarnuła ŭvahu na toje što ŭ adnoj z pałatak pradajuć majku z pryntom u vyhladzie litary «Ŭ».
«Bčbiesy nachabna handlujuć majkami z namiokam na zmaharstva prosta nasuprać moładzievaha centra. U našym hipierlibieralnym horadzie takoje, napeŭna, dapuščalna. A to jašče, nie daj boh, zatrymać zmaharoŭ, Hoj prymusić siłavikoŭ u ich publična prasić prabačeńnia… Nie, nie vynieśli tut navuki z padziej 2020 hoda ad słova zusim. Va ŭsio treba tykać nosam, jak abhadžanaje kaciania», — napisała jana post z pretenzij da mera Hrodna.
«Polski dušok siarod hrodzienskaj ułady»
Heta daleka nie pieršy vypadak, kali pad razdaču ad Bondaravaj, traplajuć miascovyja ŭłady i arhanizacyi. Jašče ŭ lipieni 2021 hoda žančyna zajaviła pra vychad z praŭładnaha sajuza błohieraŭ, spasłaŭšysia na toje, što tam niama demakratyi.
Peŭny čas Bondarava supracoŭničała z abłasnoj arhanizacyjaj «Biełaj Rusi», ale hetaje supracoŭnictva niezaładziłasia. Miarkujučy pa ŭsim, čynoŭniki na miescach bačyli, što Bondarava ź jaje radykalna antybiełaruskimi i antypolskimi nastrojami vyklikaje nieprymańnie ŭ nasielnictva.
Cikava, što ŭ sakaviku 2022 hoda miascovyja ŭłady nie dali Bondaravaj zhodu na praviadzieńnie «aŭtaprabiehu ŭ padtrymku dziejańniaŭ siłavych struktur Biełarusi i Rasii». Tady ŭ Instahramie błohierki zahučała, što «pryčynaj admovy źjaŭlajecca polski dušok siarod hrodzienskaj ułady».
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama: U Hrodnie paśla zvarotu prarasijskaj aktyvistki zakryli mastackuju halereju «400 kvadrataŭ»
Azaronak patrabuje začynić minski bar «Kalinoŭski» — nibyta praz nacyjanalny kanflikt. Raskazvajem
