Udałych dla machlaroŭ vypadkaŭ było dva.
Dniom 6 červienia złamyśniki patelefanavali na mabilny telefon 76-hadovaj piensijanierki i paviedamili pra toje, što jaje dačka trapiła ŭ DTZ, znachodzicca ŭ reanimacyi i patrebnyja hrošy na darahuju apieracyju.
Kali sastarełaja žančyna pavieryła machlaram, jany paviedamili, što ź joj źviažucca supracoŭniki pravaachoŭnych orhanaŭ i treba vykonvać usie ich ukazańni, što žančyna i zrabiła. U vyniku babula pieradała ašukancam bolš za 7 800 rubloŭ.
Uviečary taho ž dnia 72-hadovaj žycharcy rajcentra patelefanavała žančyna i pradstaviłasia jaje ŭnučkaj. Jana paviedamiła, što trapiła ŭ DTZ, u jakim zahinuŭ čałaviek. Dla taho, kab jaje nie pryciahnuli da kryminalnaj adkaznaści, jana paprasiła pieradać hrošy śledčamu.
Piensijanierka pahadziłasia. Paśla čaho na mabilny telefon jaje muža patelefanavaŭ mužčyna, jaki pradstaviŭsia supracoŭnikam pravaachoŭnych orhanaŭ. Da pryjezdu kurjera «pravaachoŭnik» byŭ na suviazi. U vyniku žančyna pazbaviłasia ŭsich svaich źbieražeńniaŭ — bolš za 21 000 rubloŭ.
Pa hetych faktach Śledčym kamitetam zaviedzienyja kryminalnyja spravy.
