«Nam patrebnaja vajenna-techničnaja padtrymka, nam patrebny «Žalezny kupał». Heta dazvolić nam vyratavać našych mirnych žančyn i dziaciej ad abstrełaŭ rasijskich rakiet… Ja chaču, kab izrailski ŭrad vyjšaŭ sa svajoj zony kamfortu i viarnuŭsia da realnaści», — skazaŭ Karnijčuk.
Adznačajecca, što dypłamat nie staŭ vinavacić Izrail u błakavańni prodažu sistemy SRA, ale zaklikaje izrailski ŭrad padmacavać svaju padtrymku Ukrainy vajennaj dapamohaj.
Pasoł raskrytykavaŭ Izrail za jaho reakcyju na vajnu, spasłaŭšysia na adsutnaść dziejańniaŭ pa akazańni vajennaj dapamohi, rašeńnie nie lačyć ukrainskich sałdat u svaich miedustanovach i adsutnaść infarmacyi pra vajnu ŭ izrailskich ŚMI.
Na pres-kanfierencyi ŭ Tel-Avivie jon skazaŭ, što Ukraina choča kupić sistemu «Žalezny kupał», śćviardžajučy, što ZŠA nie buduć piarečyć takoj ździełcy.
Sistema «Žalezny kupał» pryznačanaja dla pierachopu i źniščeńnia rakiet małoj dalokaści, vypuščanych pa terytoryi Izraila.
Karnijčuk taksama zajaviŭ, što na minułym tydni Izrail adchiliŭ zapyt ZŠA da Hiermanii na pastaŭku Ukrainie supraćtankavych rakiet Spike ź izrailskaj licenzijaj.
Pavodle «UP», Izrail abmiežavaŭ svaju padtrymku Ukrainy humanitarnaj dapamohaj. Kraina aścierahajecca, što dapamoha Ukrainie ŭ vajennym dačynieńni pryviadzie da razdražnieńnia RF i paŭpłyvaje na jaje vajskovuju prysutnaść u Siryi.
U toj ža čas, razmovy ab pradastaŭleńni Ukrainie ŭzbrajeńnia hučali paśla taho, jak kiraŭnik MZS RF Siarhiej Łaŭroŭ skazaŭ, što «Adolf Hitler mieŭ habrejskuju kroŭ, a samyja zaŭziatyja antysiemity, jak praviła, habrei».
Izrail aburyŭsia takimi zajavami, adnak paśla razmovy premjera hetaj krainy i prezidenta Rasii Uładzimira Pucina izrailski bok paviedamiŭ, što Pucin paprasiŭ prabačeńnia za słovy Łaŭrova. U Rasii pra takija detali nie paviedamlali.
Paśla razmovy ab pradastaŭleńni ŭzbrajeńnia Ukrainie ŭ Izraili ścichli, a RF zajaviła, što moža vyvieści ŭsie svaje vojski ź Siryi.
Čamu Hiermanija tak i nie pačała pastaŭlać va Ukrainu ciažkaje ŭzbrajeńnie
