Fota: allthingshair.com
No brows — trend, jaki akcentuje ŭvahu na mocna aśvietlenych brovach, jakija časam amal nieprykmietnyja. Nie ŭsim padydzie taki varyjant, ale aśvietlenyja brovy źmiakčajuć vyraz tvaru, padkreślivajuć vočy, robiać žančyn źniešnie maładziejšymi i dadajuć śviežaści vobrazu.
Lepiej za ŭsio z aśvietlenymi brovami vyhladajuć dziaŭčaty, što majuć skandynaŭski typ pryhažości. Dla jaho charakternaja śvietłaja skura, śvietłyja vałasy, błakitnyja ci šeryja vočy. Žančyny z tonkimi brovami, jakija bolš nie žadajuć karektavać ich hustatu i taŭščyniu, taksama mohuć pasprabavać trend no brows, piša ofeminin.pl.
Heta nie značyć, što aśvietlenyja brovy nie padyduć žančynam ź inšym typam źniešnaści, jakija žadajuć paekśpierymientavać z vobrazam. I varta pamiatać, što z aśvietlenymi brovami lepiej za ŭsio harmaniruje minimalistyčny makijaž.
Što ž dapamoža atrymać modny efiekt no brows?
Aśviatlalnik brovaŭ
Hety pradukt dziejničaje bolš miakka, čym farba dla vałasoŭ, i dapamahaje atrymać bolš pradkazalny efiekt. Nie pakidajcie aśviatlalnik na brovach, jak heta robiać z farbaj, bo ŭ takim vypadku vy ryzykujecie paškodzić ci navat źniščyć vałaski i atrymać razdražnieńnie skury. Pa hetaj ža pryčynie ekśpierty nie rajać prymianiać na brovach pierakis vadarodu.
Pamada dla brovaŭ
Jana nie tolki dazvalaje nadać brovam naležnaje adcieńnie, ale i palahčaje ich układku. Pamada — heta biaśpiečny kaśmietyčny srodak, i ŭ zaležnaści ad brendu jana moža źmiaščać pčaliny vosk i roznyja minierały dla ŭmacoŭvańnia vałaskoŭ.
Kansiler, pudra i ałovak dla brovaŭ
Hetyja kaśmietyčnyja srodki, kali spynicca na ich śvietłych adcieńniach, taksama dapamohuć stvaryć efiekt no brows, jaki da taho ž budzie lohka prybrać pry nieabchodnaści. Prosta naniasicie kansiler na nadbroŭnyja duhi i akuratna raźmiarkujcie jaho pa vałaskach. Potym zafiksujcie kansiler prazrystaj pudraj i prafarbujcie brovy śvietłym ałoŭkam.
Jak vučylisia rabić makijaž, pakul nie było Jutuba: archiŭnyja «bjuci-błohi» 30—70-ch hadoŭ
