Pavał Bialanaŭ. Fota: sacsietki
Siońnia ŭ aficyjnym akaŭncie hurta Dzieciuki źjaviłasia infarmacyja pra zatrymańnie hitarysta haradzienskaha hurta Deviation Paŭła «Biełki» Bialanava. Mužčynie 36 hadoŭ, jon žyvie ŭ Hrodnie.
«Da jaho pryjšli pa spravie niejkich hrafici, ale jaho nie było doma, — kaža siabra Paŭła. — Byŭ pieratrus, zabrali bałony z farbaj. Na nastupny dzień jon pajšoŭ na dopyt i jaho ŭžo nie vypuścili. Spačatku dali sutki, a potom hetuju spravu za tatuiroŭki. «Biełka» pracuje kavalom i zajmajecca mastackim tatu.
Što za tatu ich zacikaviła, nie viedaju. «Biełka» zamalavany jak apošni arkuš chabzajskaha sšytku. Ale ciapier, miarkujučy pa paviedamleńniach HUBAZa, šmat spravaŭ za tatuiroŭki. Vidać, im pryjšła niejkaja raznaradka».
Ciapier na muzyku zaviedzienaja kryminalnaja sprava pa artykule 368 KK («abraza prezidenta»).
Miarkujučy pa vyjavach u sacsietkach, u muzyki amal usio cieła pakrytaje tatuiroŭkami. Z tych, što na fota, z Łukašenkam źviazanaja tolki adna — jahony partret biez vačej.
Tatuiroŭka Paŭła. Fota: sacsietki
Hurt Deviation byŭ stvorany ŭ 1993 hodzie bratami Stasam i Andrejem Pačobutami ŭ miastečku Vialikaja Bierastavica. Praz dva hady braty razam z hurtom pierabralisia ŭ Hrodna. Hurt staŭ ikonaj pieršaj chvali hrodzienskaha panku naroŭni z hurtom «KalJan», udzielniki jakoha paźniej stvaryli prajekty Dzieciuki i «Ludzi na bałocie». Hurt Deviation raspuściŭsia ŭ 2009 hodzie praz adjezd Stasa Pačobuta ź Biełarusi.
Pavieł Bialanaŭ pryjšoŭ u hurt kala 2006 hoda i ŭdzielničaŭ u kancertach i zapisie apošniaha alboma hurta «Čarhovy dzień pad akupacyjaj».
Siabry muzyki prapanujuć dapamahčy jamu na advakata i pieradačy pieravodam na hety kartku:
5144210620913112, 10/24, VERANIKA YAZEPCHYK.
Čytajcie jašče:
«Jany chacieli choć niejak dapamahčy Ukrainie». Brat «rejkavaha partyzana» raskazaŭ padrabiaznaści spravy
Zatrymali pamiežnika, jaki zvolniŭsia paśla padziej 2020 hoda
U Minsku zatrymali ŭładalnika karaokie-bara «Šum». Za dva tydni da hetaha bar vysielili z pamiaškańnia
