«Dyviersijny dron» nibyta ŭpaŭ u biaźludnaj miascovaści, a bojeprypasy «ad aŭtamatyčnaha hranatamiota» nie ŭzarvalisia.
Aŭtary zajaŭlajuć, što dron byŭ uzbrojeny bojeprypasami ad aŭtamatyčnaha hranatamiota AHS-17 i jamu treba 3 chviliny, kab «skinuć zarady u raźmiaščeńnie biełaruskich vojskaŭ».
Vyśviatlajecca, što hetaje zdareńnie na biełaruska-ŭkrainskaj miažy adbyłosia jašče 30 maja, ale paviedamili pra jaho čamuści tolki ciapier.
Prapahandysty zajaŭlajuć, što «Ukraina chacieła atakavać Biełaruś z dapamohaj drona», što metaj było «ŭciahvańnie našaj krainy ŭ bajavyja dziejańni».
U siužecie pakazvajecca bieśpiłotnik, na jakim nie vidać hruzu, a taksama pradmiet, jaki lažyć u travie i nahadvaje bojeprypas ad AHS-17, i fota, jak śćviardžajecca, zroblenyja z drona. Jość nibyta taksama kadry ź inšych vyletaŭ, a taksama zdymak «dyviersijnaj hrupy», jakaja ažyćciaviła zapusk.
Raniej historyja z ukrainskim bieśpiłotnikam u vykanańni łukašenkaŭskich prapahandystaŭ užo była, padobny siužet vychodziŭ zimoj 2022-ha, jašče da pačatku rasijskaj ahresii. Tady mnohija śpiecyjalisty vykazvali sumnievy adnosna taho, što fakty, vykładzienyja ŭ siužecie, sapraŭdy mieli miesca.
