Daradca kiraŭnika Ofisa prezidenta Ukrainy Michaił Padalak. Fota: UNIAN

Daradca kiraŭnika Ofisa prezidenta Ukrainy Michaił Padalak. Fota: UNIAN

«My nie bačym peŭnych dziejańniaŭ suprać udziełu Biełarusi ŭ hetaj vajnie. Naprykład, arhanizavanych pa ŭsim śviecie pikietaŭ kala biełaruskich pasolstvaŭ. Heta nie pretenzija, heta vybar. Ja nie zusim razumieju, jakija dziejańni jana robić navat nie dla Ukrainy, a dla taho, kab abaznačyć, što Biełaruś nie mieła prava ŭ takim abjomie ŭdzielničać u hetaj vajnie», — skazaŭ pra Śviatłanu Cichanoŭskuju Padalak, adkazvajučy na pytańnie, ci razhladajuć jany mahčymaść sustrečy ź joj ciapier.

«Mała zaklikać, treba rabić. Idzicie da ambasady i kažacie: «Kali łaska, spynicie vykarystańnie terytoryi Biełarusi dla ataki na Ukrainu». Jość šmat šlachoŭ i technałohij. Viedajecie, treba mienš havaryć, a bolš vykonvać kankretnyja dziejańni. U hetym zaŭsiody deficyt. Nu, zaklikali, dobra. Dalej što?» — dadaŭ jon.

U adkaz na heta na sajcie Motolko.help pryviali fakty, jakija apraviarhajuć hetyja słovy. Nižej pieraličvajem niekatoryja ź ich.

27 lutaha — Cichanoŭskaja zaklikała biełarusaŭ vyjści na pratest suprać vajny.

17 sakavika — Cichanoŭskaja ŭ AAN zaklikała pryciahnuć Łukašenku da trybunała ŭ suviazi z padziejami va Ukrainie.

Pratesty suprać vajny kala pasolstvaŭ Biełarusi byli ŭ roznych haradach: Varšava, Bierlin, Biełastok, Łondan, Tel-Aviŭ, Vilnia i mnohich inšych.

Biełarusy nieśli kvietki da ambasady Ukrainy ŭ Minsku.

Akcyi pratestu suprać vajny prachodzili ŭ Minsku.

Partyzany padpalili relejnuju šafu, kab zapavolić ruch ciahnikoŭ z technikaj, i pa ich byŭ adkryty ahoń.

«Kibierpartyzany» praviali ataku na kampjutarnuju sietku čyhunki.

Vydańnie The Washington Post pryśviaciła artykuł biełaruskim «rejkavym partyzanam».

Tysiačy biełarusaŭ štodnia paviedamlajuć infarmacyju ab pieramiaščeńni vajskovaj techniki, jakuju publikuje «Biełaruski Hajun».

«Centr biełaruskaj salidarnaści» z samaha pačatku vajny dapamahaje ŭkrainskim uciekačam u Varšavie žyllom i rečami.

Mnohija ź biełarusaŭ pajechali va Ukrainu dobraachvotnikami.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?