Ukraina praciahvaje trymać abaronu i navat pierachodzić u nastup na asobnych učastkach frontu. Ale na niekatorych napramkach situacyja zastajecca vielmi napružanaj.
Pra heta śviedčyć karta bajavych dziejańniaŭ ad Ministerstva abarony Vialikabrytanii, apublikavanaja ŭ Twitter.
Pavodle danych karty, u Charkaŭskaj vobłaści znoŭ uzmacniajucca bai. Ukrainskija abaroncy za apošni tydzień zmahli prasunucca ŭ rajonie Iziuma, adnak akupanty pa-raniejšamu sprabujuć viarnucca da pazicyj kala Charkava.
Danbas zastajecca samaj haračaj kropkaj. Rasijskija vojski chočuć zachapić nasielenyja punkty Łuhanskaj vobłaści. Adnačasova vorah rychtuje nastup na Słaviansk.
Na poŭdni Ukrainy situacyja taksama dosyć składanaja, bo USU sprabujuć prasunucca da Chiersona. Taksama ŭkrainskija abaroncy viaduć nastup z boku Zaparožža.
