Fota: Delfi
Rehimantas Adamajcis naradziŭsia 31 studzienia 1937 h. u Šaŭlaj. Skončyŭ fizika-matematyčny fakultet Vilenskaha ŭniviersiteta.
Vučyŭsia na kafiedry akciorskaha majsterstva ŭ Vilenskaj kansiervatoryi (ciapier Litoŭskaja akademija muzyki i teatra). Z 1967 hoda — akcior Litoŭskaha nacyjanalnaha dramatyčnaha teatra. Zdymaŭsia ŭ kino, byŭ adnym z samych paznavalnych savieckich akcioraŭ.
Siarod viadomych filmaŭ: «Nichto nie chacieŭ pamirać», «Trest, jaki łopnuŭ», «Miraž» dy inšyja.
U sakaviku stała viadoma, što Adamajcis pasialiŭ u svajoj kvatery, raźmieščanaj u Vilni, u rajonie Žvierynas, ukrainskich uciekačoŭ. Akcior nie nadavaŭ vialikaha značeńnia svajmu ŭčynku. «Mnohija ciapier prymajuć ukraincaŭ, tamu što jany, biednyja, i tak usiaho naciarpielisia. Miljony ŭžo źjechali, niekatoryja ź ich jeduć u Litvu», — kazaŭ jon.
