Źniešni vyhlad budynka prapanujecca ŭ adzinym styli z architekturaj usiaho kompleksu univiersiteckaha haradka, jaki budavaŭsia z 1925 h. pa naš čas. Tamu, paviedamlajecca, novy budynak nie parušyć ansambl u styli kanstruktyvizmu.
Jak značycca ŭ prajektnych materyjałach, «prostamu i vyraznamu vyhladu budučaha korpusa adpaviadajuć łakaničnaja forma fasadaŭ i minimalny dekor». Fasad na ŭzroŭni pieršaha paviercha płanujecca azdobić kieramahranitnymi plitami ciomna-šeraha koleru. Vyšej — vykarystoŭvać aluminijevyja albo alumakampazitnyja paneli sierabrystaha koleru. Prajekt prachodzić hramadskaje abmierkavańnie.
Što tyčycca ŭnutranaha napaŭnieńnia, to ŭ budynku buduć raźmieščanyja navučalnyja aŭdytoryi, vytvorčyja łabaratoryi, šmatfunkcyjanalnyja zały dla praviadzieńnia mierapryjemstvaŭ roznaha farmatu, biblijateka adkrytaha typu (open space), kafe, ofisy adkrytaha typu, administracyjnyja, sanitarna-techničnyja i bytavyja pamiaškańni. Korpus raźličany na 1300 čałaviek — navučencaŭ i supracoŭnikaŭ.
Praŭda, jakija fakultety tam raźmieściać, nie paviedamlajecca.
Vierahodny pieryjad budaŭnictva — 2023-2024 hh.
