FOTA: dsns_telegram
Ułady Ukrainy vymušanyja vydatkoŭvać štomiesiac da 5-6 młrd dalaraŭ, kab «spravicca z hetaj vajnoj», zajaviła kiraŭnica Ahienctva ZŠA pa mižnarodnym raźvićci (USAID) Samanta Paŭer 21 červienia padčas tok-šoŭ The Way Forward.
Pa słovach Paŭer, heta «ašałamlalnyja» vydatki, i navat tych 7,5 młrd dalaraŭ, jakija administracyja ZŠA rychtujecca vyłučyć u jakaści dapamohi Ukrainie, nie chopić, kab pakryć vyklikanyja vajnoj vydatki.
«My viedajem, što ŭ dalejšym spatrebicca jašče vialikaja pramaja biudžetnaja padtrymka», — padkreśliła kiraŭnica USAID.
U krasaviku Suśvietny bank prahnazavaŭ padzieńnie VUP Ukrainy na 45,1 adsotku ŭ paraŭnańni z papiarednim hodam. Vajna i vyklikanaje joj pieramiaščeńnie asob zdolnyja istotna adbicca na pakazčykach biednaści va Ukrainie. Dola nasielnictva krainy, jakaja žyvie za rysaj biednaści (dla krain z supastaŭnymi dachodami hety paroh składaje 5,5 dalara ZŠA na dzień), pahražaje rezka ŭzraści — z 1,8 da 19,8 adsotku, papiaredziŭ Suśvietny bank.
