«Kali ŭ ciabie jość uzbrojenyja siły i imi kamandujuć niedareki, prašu prabačeńnia za vyraz, viadoma možna čakać usiaho, ale my realisty, u nas jość sajuźniki, my bačym ahulnuju karcinu na Bałtyjskim mory, my viedajem, da jakich zachadaŭ my možam źviarnucca, tak što ŭ hetym vypadku ja spakojny nakont našych mahčymaściaŭ», — skazaŭ Anušaŭskas žurnalistam u Siejmie ŭ sieradu, adkazvajučy na pytańnie pra toje, ci źjaŭlajucca niaznačnymi rasijskija pahrozy «surjoznymi nastupstvami» dla Litvy.
«Viadoma, kali b inšy bok byŭ poŭny rašučaści da pravakacyi, što mahčyma, ale my heta ŭžo nie možam pradkazać», — dadaŭ jon.
Sakratar Rady biaśpieki Rasii Mikałaj Patrušaŭ zajaviŭ u aŭtorak, što adkaz Rasii budzie mieć surjoznyja nastupstvy.
«Miery prapracoŭvajucca ŭ mižviedamasnym farmacie i buduć pryniatyja ŭ najbližejšy čas. Ich nastupstvy akažuć surjozny niehatyŭny ŭpłyŭ na nasielnictva Litvy», — zajaviŭ jon.
Anušaŭskas nazvaŭ heta dezinfarmacyjaj i pahrozami.
«Što tyčycca pra «adčuć» — my hetaha nie adčujem. Samaje vialikaje źmianieńnie, jakoje my ŭžo adčuli, — heta nastupstvy vajny Rasii va Ukrainie — biežancy, ekanamičnyja momanty. My heta adčuli, i heta śledstva ich ahresiŭnaj palityki», — zajaviŭ ministr.
Ź jaho słoŭ, kibierataki — adziny instrumient, jaki jość u Maskvy, a dyskusii ŭ Rasii ab błakadzie Kłajpiedskaha porta jon nazvaŭ śpiekulacyjaj, u jakoj «niama nijakich šancaŭ i mahčymaściaŭ».
