Skrynšot ź videa
Pa słovach jurysta, 18 červienia 2021 hoda ŭstupili ŭ siłu važnyja źmieny, uniesienyja ŭ Kryminalny kodeks Biełarusi.
«Na žal, sutnaść źmienaŭ nie była zrazumiełaja dla bolšaści hramadzian, z-za čaho niekatoryja ź ich i trapili ŭ takuju «jurydyčnuju pastku», — tłumačyć Andrej Mačałaŭ. — Da 18 červienia kryminalna karalnym było finansavańnie «ekstremisckaha farmavańnia», to-bok hrupy hramadzian, u dačynieńni da jakoj pryniata adpaviednaje rašeńnie MUS ci KDB.
U hetym vypadku ŭsio pracuje adnosna prazrysta. Da prykładu, MUS prymaje rašeńnie ab pryznańni hrupy hramadzian «ekstremisckim farmavańniem», publikuje svajo rašeńnie. Adpaviedna, z hetaha momantu «zaviedamaje» finansavańnie «ekstremisckaha farmavańnia» źjaŭlajecca złačynstvam.
«Zaviedamaje» ŭ hetym vypadku aznačaje, što čałaviek viedaŭ: hrupa hramadzian pryznana takim farmavańniem. A nadańnie finansavaj dapamohi da adpaviednaj daty kryminalnym złačynstvam być nie moža, bo zakon zvarotnaj siły nie maje».
Mačałaŭ dadaje, što paśla 18 červienia 2021 hoda kryminalna karalnym stała i finansavańnie «ekstremisckaj dziejnaści»:
«Źnikła ŭmoŭnaja «adsiečka» u vyhladzie rašeńnia MUS ci KDB, ź jakoj daty hrupa hramadzian aficyjna pryznajecca dziaržavaj «ekstremisckim farmavańniem», a finansavańnie jaje dziejnaści — złačynstvam.
Uličvajučy, što zakon «Ab supraćdziejańni ekstremizmu» vyznačaje «ekstremisckuju dziejnaść» vielmi šyroka, na praktycy pad heta paniaćcie padvodzicca praktyčna luboje «niepažadanaje» dziejańnie. Niemałavažnuju rolu ŭ hetym pracesie adyhryvajuć i zasakrečanyja ekśpierty, jakija pryciahvajucca siłavymi orhanami dla vyznačeńnia najaŭnaści ŭ dziejańniach prykmiet ekstremizmu.
Varta adznačyć, što dziejnaja praktyka pryciahnieńnia zasakrečanych ekśpiertaŭ nie vytrymlivaje nijakaj krytyki. Čaściakom takija ekśpierty dajuć adkaz na pastaŭlenaje pytańnie ŭsiaho adnoj adnaskładovaj frazaj, a dapytać ich pa sutnaści niemahčyma ŭ suviazi z admovaj suda i śledstva ŭ takich chadajnictvach.
Adpaviedna, z 18 červienia 2021 hoda pryciahvać hramadzian da kryminalnaj adkaznaści za finansavańnie ekstremisckaj dziejnaści stała mahčymym biez adpaviednaha rašeńnia MUS ci KDB».
U toj ža čas juryst tłumačyć: niahledziačy na novaŭviadzieńni, abaviazkovy elemient złačynstva — «zaviedamaść» — zachavaŭsia.
«Heta praduhledžvaje, što čałaviek jašče da ździajśnieńnia finansavańnia pavinien viedać, što jahonyja hrošy buduć vydatkavanyja na ažyćciaŭleńnie «ekstremisckaj dziejnaści», — kaža Mačałaŭ. —
Na žal, na praktycy ciažar dakazvańnia «zaviedamaści» časta zvodzicca da nula, a śledstvam i sudom u paćvierdžańnie hetaj akaličnaści vykarystoŭvajucca biezadnosnyja dokazy.
Navina na dziaržaŭnym telebačańni ad 20 červienia 2022 hoda vidavočna adnosicca zhadanych źmienaŭ Kryminalnaha kodeksa. Pry hetym infarmacyja, jakaja ŭ joj źmiaščajecca, nie zusim karektnaja».
