Dadon abvinavačvajecca ŭ tym, što, zajmajučy pasadu ministra ekanomiki i handlu (prezidentam jon byŭ u 2016—2020 hadach), padpisaŭ ukaz, na padstavie jakoha ŭ mai 2008 hoda hiendyrektar Energocom zaklučyŭ ź vienhierskaj kampanijaj kantrakt ab zakupcy elektraenierhii pa zavyšanaj canie, naniosšy dziaržavie škodu ŭ $11,9 młn», — adznačyli ŭ prakuratury.
Taksama, pavodle paviedamleńnia prakuratury, Dadona siońnia ŭžo dapytali i vystavili jamu abvinavačvańni. Pry hetym eks-prezident vinu nie pryznaŭ.
U vieraśni 2021 hoda Hienprakuratura paviedamiła, što zaviała kryminalnuju spravu pa fakcie kradziažu dziaržaŭnych hrošaj z dapamohaj niezakonnych schiem impartu elektraenierhii ŭ Małdovu.
Pa danych śledstva, na pačatku 2008 hoda kiraŭnictva pradpryjemstva Energocom, jakoje pastaŭlaje ŭ Małdovu elektraenierhiju, u zmovie z čynoŭnikami Ministerstva ekanomiki, Nacahientstva rehulavańnia ŭ enierhietycy (NARE) i inšymi asobami, u tym liku tymi, jakija žyvuć za miežami krainy, realizavali złačynnuju schiemu. Jany nieabhruntavana pavialičyli zakupačnuju canu na elektraenierhiju i prysvoili roźnicu ŭ canie.