«Čas zachoŭvać adzinstva nasupierak ahresaru», — havoryć Cichanoŭskaja.

Jana zhadała, što niadaŭna Zialenski kazaŭ, što ŭsie adkaznyja za rakiety z terytoryi Biełarusi buduć pakaranyja. Śviatłana Cichanoŭskaja ź im pahadziłasia, ale dadała: «I heta buduć Łukašenka i jaho pamahatyja, ale nie ŭvieś biełaruski narod».

«Rasijskija rakiety znoŭ laciać z terytoryi Biełarusi va Ukrainu. I biełarusy, jak i ŭkraincy, razumiejuć, jakija dva dyktatary stajać za hetym. Ale heta nie aznačaje, što my nie adčuvajem asabisty bol za Kijeŭ, Charkaŭ i Kramiančuh…

Našyja narody zaraz padtrymlivajuć adno adnaho, i zadača palitykaŭ — dapamahčy im u hetym. Nie raźjadnacca tady, kali heta dapamoža tolki vorahu. Biełarusy zrobiać usio mahčymaje, kab dapamahčy Ukrainie. Nam nie patrebna ničoha naŭzamien, akramia pavahi da našaha šlachu. Pavahi da našaha dośviedu i našaha prava być samimi saboj — biełarusami».

Naprykancy Śviatłana Cichanoŭskaja adznačyła pra vyklučnuju blizkaść dvuch narodaŭ i, kab padkreślić heta, navat paraiła:

«Pavažany Prezident Zialenski, kali ŭ nastupny raz vy budziecie źviartacca da biełarusaŭ, vy možacie nie pierachodzić z ukrainskaj movy na rasiejskuju».

Клас
38
Панылы сорам
3
Ха-ха
1
Ого
0
Сумна
0
Абуральна
0