Kamisija pravodzić sieryju publičnych słuchańniaŭ z metaj vyśvietlić, ci prykłaŭ eks-prezident asabista ruku da taho, kab pieraškodzić Kanhresu paćvierdzić vyniki vybaraŭ 2020 hoda.

Da hetaha času kamisija nie mieła śviedčańniaŭ čałavieka, jaki ź pieršych ruk viedaŭ by ab tym, što rabiłasia ŭ Biełym domie niepasredna pierad šturmam. I voś u chodzie ŭžo šostych pa liku słuchańniaŭ Chatčynsan, padobna, zapoŭnilisia usie prabieły ŭ śledstvie.

Budučy pamočnicaj kiraŭnika prezidenckaj administracyi Marka Miedoŭza, jana štodnia mieła znosiny sa svaim šefam, zaŭsiody była pablizu ad Avalnaha kabinieta i ŭzhadała, jak za niekalki dzion da šturmu Kapitolija Miedoŭz kazaŭ, što «spravy mohuć pryniać vielmi kiepski abarot».

Tym nie mienš, ranicaj 6 studzienia, kali Miedoŭzu paviedamili, što na mitynh z udziełam Tramp pryjšli jaho prychilniki ź pistaletami, nažami i inšaj zbrojaj, jon tolki na imhnieńnie adarvaŭsia ad telefona, kab spytać: «Što-niebudź jašče?»

Chatčynsan śćviardžaje taksama, što Trampu kazali pra toje, što niekatorych ź jaho prychilnikaŭ nie prapuściła słužba biaśpieki, pakolki jany byli ŭzbrojenyja, ale prezident rasparadziŭsia prybrać mietaładetektary i ŭpuścić usich žadajučych patrapić na mitynh, nibyta zajaviŭšy: «jany pryjšli nie dla taho, kab naškodzić mnie, prapuścicie ich».

Tramp adreahavaŭ na zajavu Chatčynsan na svajoj anłajn-płatformie Truth Social prosta padčas dačy pakazańniaŭ. «Ja nie chacieŭ i nie patrabavaŭ, kab uzbrojenych ludziej puścili słuchać moj vystup — napisaŭ jon. — Kamu takoje naohuł mahło b pryjści ŭ hałavu?»

Dajučy pakazańni, Chatčynsan namalavała nie samy dobry partret prezidenta, jaki, pa jaje słovach, časam vielmi burna reahavaŭ na niepryjemnyja naviny.

Tak, kali ŭ 2020 hodzie hienieralny prakuror Uiljam Bar admioŭ śćviardžeńni prezidenta ab tym, što padčas vybaraŭ mieŭ miesca padłoh, Tramp u hnievie raźbiŭ posud, što jon rabiŭ i ŭ minułym, raspluchaŭšy pa ścienach kietčup.

Chatčynsan taksama śćviardžała, što paśla taho, jak jaho prychilniki pajšli maršam na Kapitolij, Tramp pažadaŭ asabista dałučycca da ich i navat rvaŭsia sieści za rul prezidenckaha limuzina, kali supracoŭniki Sakretnaj słužby admovilisia vieźci jaho tudy.

Chatčynsan — nie pieršy supracoŭnik Biełaha doma, jaki davaŭ pakazańni kamisii, adnak u adroźnieńnie ad astatnich jana pahadziłasia pryniać udzieł u hramadskich słuchańniach.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?