Andrej Patrebka. Fota z sacyjalnych sietak

Andrej Patrebka. Fota z sacyjalnych sietak

Praces vioŭ sudździa Uładzimir Biasiecki, dziaržabvinavaŭca — pamočnik prakurora Valeryja Haralevič.

Da hetaha Andrej Patrebka 17 traŭnia 2022 hoda byŭ asudžany na try hady abmiežavańnia voli biez nakiravańnia va ŭstanovu adkrytaha typu («chatniaja chimija») za abrazu Łukašenki (č.1 art. 368 Kryminalnaha kodeksa).

Pa materyjałach abvinavačańnia, Patrebka, z 5 žniŭnia 2020 hoda pa lipień 2021 hoda, nieadnarazova ŭ sacyjalnaj sietcy «Adnakłaśniki» raźmiaščaŭ źniavažlivyja i abraźlivyja kamientary ŭ adras Natalli Kačanavaj, Uładzimira Makieja i inšych aficyjnych asob. Z vykarystańniem nienarmatyŭnych form moŭnaha vykazvańnia. Taksama byŭ padpisany na roznyja pratesnyja čaty i hrupy, rabiŭ reposty videarolikaŭ. Usiaho ŭ spravie naličvajecca bolš za 20 epizodaŭ.

U chodzie dopytu vinu pryznaŭ całkam, patłumačyŭ, što dziejničaŭ pad upłyvam sacyjalnych padziej u krainie. U apošnim słovie zajaviŭ, što nijakich stasunkaŭ z apazicyjaj nie mieŭ, padtrymlivaje dziaržaŭnuju palityku.

Abvinavačańnie zaprasiła dla Andreja Patrebki dva hady abmiežavańnia voli z nakiravańnie va ŭstanovu adkrytaha typu.

Šlacham častkovaha składańnia abvinavačańniaŭ kančatkova pryznačyć abmiežavańnie voli va ŭstanovie adkrytaha typu terminam na čatyry hady.

Paśla pierapynku ŭ sudzie vyjaviłasia, što ŭ sud pastupiła zajava ad Juryja Karajeva, jaki ličyć siabie paciarpiełym pa spravie i prosić sud spahnać z abvinavačanaha materyjalnuju kampiensacyju maralnaj škody pamieram 1 000 rubloŭ. U vyniku sudovaje śledstva było na niekatory čas adnoŭlenaje.

Sudździa Uładzimir Biasiecki prysudziŭ Patrebku čatyry hady abmiežavańnia voli va ŭstanovie adkrytaha typu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?