Adzin z varyjantaŭ kampramisu, pa słovach surazmoŭcy ahienctva — źniaćcie sankcyj ES na hruzavyja pieravozki pamiž Kalininhradam i astatniaj terytoryjaj Rasii na toj padstavie, što heta nie ličycca mižnarodnaj handlem, pakolki Kalininhrad — častka RF.
Adnak sastupka moža być zroblena pry ŭmovie, što tavary buduć vykarystoŭvacca niepasredna na terytoryi rehijona, a nie ekspartavacca praz Kalininhradski port. Akramia hetaha, dadzieny varyjant moža pastavić Litvu ŭ słabaje stanovišča.
Jašče adzin varyjant — humanitarnyja padstavy dla dazvołu tranzitu hruzaŭ, piša Reuters.
Adzin z surazmoŭcaŭ ahienctva zajaviŭ, što kali tradycyjny maršrut praź Biełaruś i Litvu nie budzie adnoŭleny, apošniaja aścierahajecca, što Maskva moža vykarystoŭvać vajennuju siłu, kab prakłaści suchaputny kalidor praź jaje terytoryju. Akramia hetaha, ekanomika Jeŭropy mocna zaležyć ad impartu rasijskaha hazu i apyniecca va ŭraźlivym stanoviščy pry skaračeńni pastavak.
Pa infarmacyi Reuters, rašeńnie z nahody kampramisu moža być pryniata na nastupnym tydni ci 10 lipienia, kali ŭ śpis sankcyjnych tavaraŭ trapiać cemient i ałkahol. Ciapier dziejničajuć abmiežavańni na tranzit praz krainy ES u Kalininhrad žaleza, stali i mietałaŭ.
U najbližejšy čas Jeŭrakamisija pradstavić tłumačeńni ab paradku vykanańnia antyrasijskich sankcyj u kantekście transpartnych znosin z Kalininhradam, paviedamiŭ Barel.
Čytajcie taksama:
Prezident Litvy ab sankcyjach u dačynieńni da kalininhradskaha tranzitu: Pra sastupki Rasii nie moža być i havorki
Usie znoŭ zahavaryli pra Suvałkski kalidor. U čym jahonaje značeńnie i niebiaśpieka?
Naŭsieda: Litva nie čakaje ŭvarvańnia ŭ adkaz na abmiežavańnie tranzitu ŭ Kalininhrad
«Rasija — handlar strachami». Čym Rasija moža adkazać Litvie i kali ŭžo Jeŭropa daść adpor ahresaru?
