CT pa biełaruskaj movie sioleta źbirałasia zdavać bolš za 18 000 abituryjentaŭ (letaś 17 900). Nie źjaviłasia na testavańnie 742 čałavieki, heta 4,2% usich zapisanych. Adzin čałaviek byŭ vydaleny z CT za mabilny telefon.
Na 100 bałaŭ CT pa biełaruskaj movie napisali 67 čałaviek, — paviedamiŭ dyrektar Respublikanskaha instytuta kantrolu viedaŭ Juryj Miksiuk. Letaś na CT pa hetym pradmiecie było 40 stobalnikaŭ i 4 abituryjenty, jakija napisali testavańnie na 0 bałaŭ (kolki nie atrymali nivodnaha bała sioleta — nie paviedamlajecca).
Na CT pa ruskaj movie zarehistravalisia bolš za 50 300 čałaviek (bolš za 50 800 u 2021 hodzie). Heta — samy papularny pradmiet. U pieršy dzień nie źjavilisia na ekzamien 2,7% zapisanych, u druhi — 4,5%. 4 abituryjenty byli vydalenyja z aŭdytoryi za parušeńnie praviłaŭ.
Na 100 bałaŭ sioleta ruskuju movu zdali 43 čałavieki (u minułym takich było 65). Kolki zdali na 0 bałaŭ — taksama nie paviedamlajecca.
