«U hetym miescy Rasii zaŭsiody było składana ŭtrymlivacca. I ŭsio čaściej Ukraina pravodziła tam technična inavacyjnyja ataki, jakija ŭražvajuć… časam z vykarystańniem chutkasnych reaktyŭnych samalotaŭ, a taksama rakietnych sistem», — zajaviŭ Džaścin Bronk z Karaleŭskaha abjadnanaha instytuta abaronnych daśledavańniaŭ u efiry BBC News Channel.
Ukraina pastajanna nanosiła ŭdary pa rasijskaj SPA i inšych sistemach na vostravie, a taksama atakavała ŭzbrajeńnie, jakoje Rasija sprabavała dastavić na Źmiainy.
«Ja dumaju, heta [sychod] uśviedamleńnie rasijanami taho, što ciapier Ukraina maje značnuju kolkaść reaktyŭnaj artyleryjskaj zbroi vialikaj dalokaści. Jany majuć prastoru, kab udaryć pa vostravie ź bieraha. I tamu, naturalna, heta nie žest dobraj voli, — skazaŭ Bronk. — Rasija nie maje dobraj voli adnosna Ukrainy».