«Raim być vielmi aściarožnymi i paźbiahać pajezdak u Biełaruś», — zajaviŭ u Lvovie namieśnik ministra zamiežnych spraŭ Polščy Pavieł Jabłonski, piša «Polskaje radyjo».
Pavieł Jabłonski padkreśliŭ, što z terytoryi Biełarusi praciahvajucca napady na Ukrainu:
«Staŭleńnie Biełarusi, jak u dačynieńni da Ukrainy, tak i Polščy varožaje. Kali niechta pabyvaje na terytoryi krainy, jakaja stavicca da Polščy jak da voraha, to pavinien uśviedamlać ryzyku. U Biełarusi zaraz kala tysiačy palitviaźniaŭ. My nie zabyvajem pra ich i praciahvajem namahańni z metaj ich vyzvaleńnia. Mižnarodny cisk treba akazvać, jak na Rasiju, tak i na Biełaruś».
Dla ŭjezdu ŭ Biełaruś palakam nieabchodna mieć pašpart i strachoŭku. Biaźvizavy režym budzie dziejničać da kanca hetaha hoda. Rašeńnie ab hetym pryniaŭ Alaksandr Łukašenka «dla padtrymańnia dobrasusiedskich adnosinaŭ».
Biaźvizavy režym Biełaruś raniej taksama ŭviała dla hramadzian Litvy i Łatvii.
