Pavodle słoŭ karespandentki, Vińnica da siońniašniaha dnia zastavałasia biaśpiečnym horadam, jaki časta vybirali dla pierajezdu ŭkraincy ź inšych rehijonaŭ, dzie ciapier iduć bajavyja dziejańni.
Płošča, pa jakoj bili rasijskija rakiety, raźmieščanaja na vialikim skryžavańni, ź jakoha možna dabracca ŭ lubuju častku horada. Tut ludzi čakali transpart, pili kavu ci išli pa svaich spravach.
U raźmieščanym na płoščy ofisnym centry znachodziłasia klinika, kaviarnia, atelje pa pašyvie adzieńnia, kružki dla dziciačaha raźvićcia i volnaha času. Mienavita tamu tut zaŭždy było ludna.
Niepasredna na miescy vybuchu — stajanka taksi, tamu značnaja častka zahinułych — mienavita taksisty.
Adzin z paciarpiełych taksistaŭ raspavioŭ, što pierad vybucham jamu patelefanavaŭ znajomy i zaprasiŭ na kavu. Tam, dzie jon da hetaha stajaŭ, i razarvałasia rakieta.
Pa źviestkach palicyi, całkam zhareła pryvatnaja klinika, u jakoj mahli być jak lekary, tak i pacyjenty. Adnak aficyjnaha pacviardžeńnia hetaj infarmacyi pakul niama.
Rasijanie ŭdaryli rakietami pa centry Vińnicy. Šmat ludziej zahinuła, u tym liku dzieci
