«U studzieni-červieni 2022 hoda ŭ arhanizacyjach respubliki ŭ vyniku niaščasnych vypadkaŭ na vytvorčaści paciarpieli 756 rabotnikaŭ, ź jakich 74 zahinuli. Sa zhadanaj kolkaści paciarpiełych 78 čałaviek traŭmavanyja ŭ vyniku darožna-transpartnych zdareńniaŭ», — paviedamlaje Departamient.
Dla paraŭnańnia: u studzieni-červieni 2021 hoda na pracoŭnych miescach paciarpieli 852 čałavieki, zahinuli 56. Za anałahičny pieryjad 2020-ha było 1025 niaščasnych vypadkaŭ, pamierli 72 rabotniki.
Asnoŭnaja pryčyna śmierci na pracoŭnych miescach u Biełarusi — padzieńnie z vyšyni, heta 34,9% vypadkaŭ. Ad upłyvu pradmietaŭ, jakija ruchajucca i kruciacca, hinuć 26,2% pracaŭnikoŭ. Z-za najezdu transpartnaha srodku — 11,2%. U 7,7% vypadkaŭ pryčynaj śmierci stanovicca abrynańnie budynkaŭ i padzieńnie pradmietaŭ.
