16 lipienia 2022 hoda jurysty Iłana Maska zapytali ŭ Kanclerskaha suda Dełavera adchilić zapyt Twitter ab praviadzieńni paskoranaha čatyrochdzionnaha razhladu ab pazovie kampanii suprać miljardera.
Pradstaŭniki Maska zajavili, što spravy «takoha vialikaha maštabu» nie mohuć zaviaršacca ŭ takija karotkija terminy. Twitter choča, kab hetaje raźbiralnictva prajšło «z chutkaściu śviatła», napisali advakaty ŭ svajoj zajavie.
Iłan Mask miarkuje, što sproba Twitter paskoryć razhlad spravy źviazanaja z žadańniem kampanii schavać praŭdu ab kolkaści fejkavych albo spam-akaŭntaŭ.
Jurysty biznesoŭca zapytali ŭ suda pieranieści słuchańni na 13 lutaha 2023 hoda, pakolki Masku spatrebicca «vykanać analiz vialikaha abjomu dadzienych».
Sudździa praviadzie słuchańnie pa chadajnictvie pradstaŭnikoŭ Maska 19 lipienia.
Nahadajem, 9 lipienia Iłan Mask zajaviŭ, što razryvaje damovu ab kupli Twitter za 44 miljardy dalaraŭ, pakolki pradstaŭniki sacsietki parušyli ŭmovy pahadnieńnia. 13 lipienia Twitter padała na miljardera ŭ sud, zapatrabavaŭšy zaviaršyć ździełku.
