Ksiondz Andrej Vaščuk. Fota: staronka parafii ŭ VKontakte
«Chaču paprasić usich nieabyjakavych ludziej ab malitvie za katalickaha Śviatara, ksiandza Andreja Vaščuka, salvataryjanina, jaki znachodzicca za kratami.
Heta Śviatar (ja śviadoma pišu heta słova ź vialikaj litary ŭ dačynieńni da ajca Andreja) pavodle Božaha Providu i vysakarodny Čałaviek.
Ajciec Andrej całkam addany Bohu, Kaściołu i ludziam. Słužyć usim, addajučy siabie biez rešty.
My molimsia za ŭsich, kamu patrebna Božaja dapamoha padčas vyprabavańniaŭ, asabliva ŭ časie pieraśledu i represij.
Naša malitva — heta siła i moc, heta taja «dobraja častka», jakaja nie adymiecca ŭ nas (par. Łk 10, 38-42)», — napisaŭ biskup Kasabucki.
Ksiandza Andreja Vaščuka, probašča parafii Śviatoha Ducha ŭ Viciebsku, zatrymali ŭ Viciebsku ŭ piatnicu, 15 lipienia.
Śviataru inkryminujuć č. 1. 24.23 (parušeńnie paradku arhanizacyi abo praviadzieńnia masavych mierapryjemstvaŭ).
Pryčynaj zatrymańnia, pa źviestkach Radyjo Svaboda, staŭ, imavierna, repost «apošniaha słova» Źmitra Daškieviča ŭ sudzie.
Niekatory čas śviatar znachodziŭsia ŭ Pieršamajskim RUUS, paźniej jaho pieraviali ŭ izalatar časovaha ŭtrymańnia. Sud maje adbycca ŭ paniadziełak.
Čytajcie taksama:
«U dzień sapraŭdnaha suda vy ničoha nie daścio za svaju dušu». Mahutnaje apošniaje słova Źmitra Daškieviča na sudzie
