Ursuła fon der Lajen i Ilcham Alijeŭ. Fota: pres-słužba prezidenta Azierbajdžana
Baki damovilisia zrabić pastaŭki azierbajdžanskaha hazu efiektyŭnymi i ekałahičnymi. Dakumient taksama praduhledžvaje pašyreńnie Paŭdniovaha hazavaha kalidora dla pastavak azierbajdžanskaha hazu ŭ ES i na Zachodnija Bałkany. ES pry hetym moža prapanavać Azierbajdžanu varyjant kansalidavanych zakupak paliva.
Miarkujecca, što pastaŭki hazu pa kalidory mohuć skłaści nie mienš za 20 młrd kubamietraŭ na hod da 2027 hoda. U karotkaterminovaj pierśpiektyvie Azierbajdžan narościć pastaŭki hazu ŭ 2022 hodzie jeŭrapiejskim spažyŭcam da 12 młrd kubamietraŭ, što na 3,9 młrd kubamietraŭ bolš, čym letaś.
«Siońnia hetym novym Miemarandumam ab uzajemarazumieńni my adkryvajem novy raździeł u našym enierhietyčnym supracoŭnictvie z Azierbajdžanam, klučavym partnioram u našych namahańniach pa admovie ad rasijskaha vykapniovaha paliva.
My nie tolki imkniomsia ŭmacavać naša ciapierašniaje partniorstva, jakoje harantuje stabilnyja i nadziejnyja pastaŭki hazu ŭ ES praz Paŭdniovy hazavy kalidor. My taksama zakładvajem asnovy doŭhaterminovaha partniorstva ŭ halinie enierhaefiektyŭnaści i ekałahična čystaj enierhii… Ale enierhietyka — heta tolki adna z halin, u jakoj my možam pašyryć naša supracoŭnictva z Azierbajdžanam, i ja ź nieciarplivaściu čakaju mahčymaści vykarystoŭvać uvieś patencyjał našych adnosin», — zajaviła fon der Lajen.
