«Na siońniašni dzień hetyja sistemy nie źniščanyja rasijanami, i ja hrukaju pa drevie kožny raz, kali kažu pra heta. I jany [ŭkraincy] vielmi efiektyŭna vykarystoŭvajuć ich, prymianiajučy vysokadakładnuju zbroju suprać celaŭ».
U lipieni Minabarony RF zajaŭlała pra źniščeńnie troch RSZA HIMARS. Pa viersii rasijskaha vajennaha viedamstva, 6 lipienia dźvie puskavyja ŭstanoŭki byli źniščanyja na terytoryi samaabvieščanaj DNR. Paźniej Hienštab USU nazvaŭ heta zaćviardžeńnie fejkam.
17 lipienia Minabarony paviedamiła pra źniščeńnie HIMARS kala horada Pakroŭsk u Danieckaj vobłaści. U zajavie śćviardžałasia, što «vysokadakładnaj zbrojaj naziemnaha bazavańnia źniščanyja puskavaja ŭstanoŭka i transpartna-zaradžalnaja mašyna reaktyŭnaj sistemy załpavaha ahniu HIMARS vytvorčaści ZŠA».
Vajenny analityk i zasnavalnik Conflict Intelligence Team Rusłan Levijeŭ tady źviartaŭ uvahu na toje, što HIMARS nie patrebnaja transpartna-zaradžalnaja mašyna.
