Hałoŭčanka paabiacaŭ, što cukar u bližejšy čas daražeć nie budzie 2

«Kožny hod adbyvajecca razhon niejkich čutak. Nazirajecca ažyjataž, skuplajuć cukar, a potym nie viedajuć, kudy jaho dziavać. Ciapier znoŭ na pustym miescy ŭźnikła panika. My ŭ minułym hodzie atrymali 530 tys. ton cukru. Ź ich 370 tys. t pajšli na ŭnutrany rynak. Ciapier u nas 98 tys. t znachodzicca na składach. I hetaha zapasu dastatkova da novaha ŭradžaju», — skazaŭ Raman Hałoŭčanka.

Pavodle jaho słoŭ, Biełaruś prytrymlivała ekspartnyja pastaŭki cukru. «My pajšli na hety krok, niedaatrymali vyručku, ale stvaryli stabilizacyjny zapas zvyš nieabchodnaha mienavita na vypadak roznych panik.

I ciapier, navat kali ludzi praciahnuć skuplać cukar vialikimi partyjami, jaho ŭsio roŭna chopić», — adznačyŭ premjer-ministr.

Kiraŭnik urada źviarnuŭ uvahu na toje, što cukar nie najlepšaja inviestycyja, jaho spažyvańnie nieabchodna źnižać. «Što tyčycca cany, to jana nie była pavyšanaja ni na pačatku tydnia, ni ŭ kancy tydnia i nie budzie pavyšana ni siońnia, ni zaŭtra, ni ŭ najbližejšy čas», — padkreśliŭ Raman Hałoŭčanka.

0

0

8

0

0

0