Ilustracyjnaje fota
Vyśvietliłasia, što 37-hadovaja žančyna ŭ abłasny centr pryjechała z Ufy. Žyła ŭ znajomaha, hrošaj nie chapała. Tady rasijanka vyrašyła ŭładkavacca na pracu ŭ supiermarkiet. Aficyjnaje pracaŭładkavańnie abiacali paśla taho, jak projdzie stažyroŭku. Pry hetym nijakich dakumientaŭ na pačatkovym etapie ŭ žančyny nie zapatrabavali — viedajučy tolki imia, vydali kamizelku i pasadzili za kasu, paviedamlaje miascovaje vydańnie «Biełka».
13 krasavika žančyna prystupiła da pracy. A ŭ kancy dnia syšła z kramy, prychapiŭšy z kasy 1554 rubli i pracoŭnuju kamizelku.
Praź dziesiać dzion hrošy ŭ žančyny skončylisia, i jana vyrašyła paŭtaryć schiemu.
25 krasavika jana stažyravałasia ŭžo ŭ inšym supiermarkiecie, a paśla pracoŭnaj źmieny zabrała z kasy 1396 rubloŭ. Bolš u kramie jaje nichto nie bačyŭ.
Na momant zatrymańnia žančyna ŭžo paśpieła patracić usie hrošy.
Svaju vinu jana pryznała całkam i patłumačyła śledstvu, što ździejśnić złačynstva jaje zaachvociła niapilnaść najmalnikaŭ i adčuvańnie biespakaranaści.
Užo ŭ SIZA vyśvietliłasia, što abvinavačanaja ciažarnaja — sud pryznaŭ hety fakt źmiakčalnaj akaličnaściu, jak i čystasardečnaje raskajańnie žančyny,
i pryznačyŭ pakarańnie ŭ vyhladzie adnaho hoda pazbaŭleńnia voli ŭ kałonii ahulnaha režymu.
Inšaje, bolš miakkaje pakarańnie, z ulikam ustanoŭlenych sudom abstavin, pryznačyć było nielha.