U cełym hety materyjał pryśviečany zakrytamu bryfinhu Biełaha doma dla členaŭ Pałaty pradstaŭnikoŭ adnosna vajny va Ukrainie.
Słotkin skazała, što ŭ Pałacie pradstaŭnikoŭ užo jość dvuchpartyjnaja padtrymka dla pieradačy Ukrainie rakiet ATACMS z dalokaściu kala 280 kiłamietraŭ, u toj čas jak užo pieradadzienyja bojekamplekty dla HIMARS majuć dalokaść kala 80 km.
Inšych detalaŭ pa hetaj zajavie Słotkin nie pryvodzić.
Treba zhadać, što na minułym tydni daradca pa nacbiaśpiecy Džejk Salivan adznačaŭ, što ZŠA nie hatovyja pieradavać Ukrainie ATACMS, bo z hetaj zbroi mahčyma nanosić udary ŭhłyb terytoryi Rasii, a ŭ Biełym domie aścierahajucca praźmiernaj eskałacyi.
Słotkin adznačyła, što ŭ asnoŭnym na bryfinhu abmiarkoŭvałasia, što ZŠA mohuć i pavinny zrabić dla Ukrainy ŭ najbližejšyja 3-6 tydniaŭ. «Ukraincy chočuć ruchacca na poŭdni, i my chočam, kab jany atrymali bolšy pośpiech… My vyrazna pačuli ad prezidenta Zialenskaha, što ŭkraincy vielmi chočuć niekalki razoŭ «dać Rasii pa zubach», pierš čym pryjdzie zima, i atrymać najlepšyja pazicyi, u tym liku rušyć napierad na poŭdzień», — adznačyła Słotkin.
Taksama na bryfinhu pradstaŭniki administracyi Bajdena paviedamili zakanadaŭcam Pałaty pradstaŭnikoŭ, što ZŠA aceńvajuć straty rasijan va Ukrainie ŭ bolš čym 75 000 zabitymi abo paranienymi.
