«Navučalny hod u Łatvii pad pahrozaj zryvu. Nastaŭniki rychtujucca da strajku. Jany nieadnarazova zajaŭlali, što buduć adstojvać svaje patrabavańni i źviartalisia da ŭrada krainy», — kaža dziaržaŭnaje telebačańnie.

«Asnoŭnaje patrabavańnie — pavyšeńnie zarobkaŭ. Čynoŭniki prapanavali štohod pavyšać minimalnuju miesiačnuju zarpłatu piedahohaŭ na 8%. Ale tolki ŭ mai inflacyja ŭ Łatvii skłała amal 17%. Pryčyna niezadavolenaści — nie tolki materyjalnaja. U škołach kadravy hoład i vyharańnie nastaŭnikaŭ z-za vialikaj nahruzki. Prestyž prafiesii padaje, jak i ŭzrovień adukacyi», — malujuć prapahandysty apakaliptyčnuju karcinu.

Ale prapahandysty nie kažuć, što biełaruskija nastaŭniki pra zarobki łatvijskich kaleh (jak i pra ich pravy i mahčymaść strajkavać) mohuć tolki maryć.

Samaja nizkaja staŭka zarpłaty nastaŭnikaŭ u Łatvii z 1 vieraśnia 2022 hoda budzie pavyšanaja na 70 jeŭra i składzie 900 jeŭra.

Adpaviedna, vyrastuć i siarednija zarpłaty, jakija buduć jašče vyšejšymi. Urad choča padciahnuć ich da ŭzroŭniu Litvy i Estonii, dzie nastaŭniki zarablajuć u siarednim pa 1500 jeŭra.

Heta našmat bolš, čym navat siaredniaja zarpłata biełaruskich nastaŭnikaŭ. Tak, pavodle Biełstata, u krasaviku 2022 hoda biełaruski nastaŭnik zarablaŭ u siarednim 1369 rubloŭ (kala 535 jeŭra).

I heta prytym, što hramadzianie krain Bałtyi, jak praviła, majuć bolš dachodaŭ ź inšych krynic, akramia zarobkaŭ, čym biełarusy. Heta źviazana z tym, što dola pryvatnaha siektara ŭ ekanomicy tut bolšaja, a ziamlu viarnuli pryvatnym ułaśnikam.

Navat z ulikam vyšejšaha koštu kamunalnych pasłuh, uzrovień žyćcia łatvijskaha nastaŭnika lepšy, čym u biełaruskaha.

Akramia taho, što nastaŭniki ŭ Łatvii majuć našmat vyšejšyja zarobki, jany mohuć abaraniać svaje pravy i ekanamičnyja intaresy, u tym liku z dapamohaj strajkaŭ. Biełaruskim piedahoham taki sposab abarony svaich pravoŭ prosta niedastupny. Dy i ŭ łatvijskich piedahohaŭ niama takoj niaprofilnaj nahruzki, jak u biełaruskich kaleh (u tym liku, u vyhladzie falsifikacyi vybaraŭ, ideałahičnaha vychavańnia i pachodaŭ na chakiej).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?