Jak vynikaje z apisańnia sistemy, u pieršuju čarhu źmieny zakranuć banki i inšyja arhanizacyi, jakija pracujuć ź finansami. Ale bieznajaŭnyja płaciažy i raźliki ŭ biełaruskich rublach zakranuć i zvyčajnych ludziej.
Z momantu ŭkaranieńnia novaha standartu jak biznesu, tak i fizičnym asobam treba budzie ŭnosić dadatkovyja rekvizity pry afarmleńni płaciežnych dakumientaŭ i pieravodaŭ u biełaruskich rublach. Z 1 žniŭnia dla apłaty abo pieravodu ŭ kasie, mabilnaj prahramie abo internet-banku fizičnym asobam treba budzie padavać kod pryznačeńnia płaciažu. Uvodzić jaho možna budzie samomu albo vybrać ź śpiecyjalnaha daviednika.
Naprykład, płaciažy ŭ biudžet buduć mieć kod 90 101 (apieracyi pa płaciažach u biudžet), a ŭ płaciažoŭ, pryznačeńnie jakich niemahčyma identyfikavać, kod pryznačeńnia płaciažu budzie 90 401 (inšyja apieracyi).
Miarkujučy pa ŭsim, daviednik kodaŭ budzie aŭtamatyčna zahružany ŭ sistemu 1 žniŭnia. Heta dazvolić klijentam vybirać patrebny varyjant. U niekatorych bankach papiaredžvajuć, što za pravilnaść nazvanych kodaŭ u kvitancyi budzie adkazvać płacielščyk.
Uviadzieńnie mižnarodnaha standartu finansavych paviedamleńniaŭ ISO 20 022 było zapłanavana na pačatak lipienia hetaha hoda. Uviadzieńnie hetaha standartu było praduhledžana sajuznymi prahramami pa pahłybleńni intehracyi Biełarusi i Rasii.
