Alaksandr Papłaŭski
Łaŭreatam konkursu NASA staŭ były staršy vykładčyk kafiedry tearetyčnaj fiziki i astranomii fizičnaha fakulteta BDU Alaksandr Papłaŭski.
Rašeńnie Papłaŭskaha, jakoje dapamahaje kaśmičnamu ahienctvu ZŠA prahnazavać raspaŭsiudžvańnie siejśmičnych źjaŭ, nazvanaje adnym z najlepšych. Jano zasnavanaje na niekalkich ałharytmach mašynnaha navučańnia i dazvalaje davoli dakładna prahnazavać siejśmičnyja źmieny. Pryz vučonaha skłaŭ 15 tysiač dołaraŭ.
Konkurs Shock Propagation Prediction Challenge ad NASA nakiravany na pošuk rašeńniaŭ pa prahnazavańni raspaŭsiudžvańnia siejśmičnaj aktyŭnaści praz spadarožniki. Kankursantam z usiaho śvietu było dadziena čatyry miesiacy na zaviaršeńnie rabot. Usiaho było padadziena 49 zajavak. Pieršaje miesca zaniała kamanda navukoŭcaŭ ź Vienhryi. Druhoje miesca ŭ Alaksandra Papłaŭskaha.
U artykule polskaha vydańnia Alaksandra Papłaŭskaha nazyvajuć žycharom Krakava. Adnak jašče niekalki hadoŭ tamu jon byŭ staršym vykładčykam kafiedry tearetyčnaj fiziki i astranomii fizičnaha fakulteta BDU, a taksama vykładčykam astranomii Liceja BDU. U 2013 hodzie jon pieršym u Biełarusi abaraniŭ dysiertacyju pa astrafizicy i zornaj astranomii, paviedamlaje sajt Thinktanks.by.
Paśla Papłaŭski pierajechaŭ u Polšču, a čatyry hady tamu ŭznačaliŭ krakaŭski filijał kampanii, jakaja raspracoŭvaje prahramnyja rašeńni z dapamohaj štučnaha intelektu.
