Pavodle vydańnia, rasijskaja nafta jak minimum adzin raz dastaŭlałasia na jehipiecki terminał El-Chamra. Jon byŭ pabudavany dla nafty, što zdabyvajecca ŭ Jehipcie, ale ciapier moža vykarystoŭvacca i dla taho, kab źmiešvać rasijskuju naftu ź miascovaj.
Paśla taho, jak tankier Crested z rasijskaj naftaj 24 lipienia vyhruziŭ na terminale dastaŭlenyja 700 tysiač barelaŭ nafty, inšaje sudna Chris zabrała z porta albo častku rasijskaj nafty, źmiašaŭšy jaje ź jehipieckaj, albo ŭsio dastaŭlenaje z Rasii paliva. Zaraz tankier pryšvartavaŭsia da inšaha jehipieckaha naftavaha terminała Ras-Šuchiejr na ŭźbiarežžy Čyrvonaha mora. Tut taksama rasijskaja nafta moža źmiešvacca ź miascovaj.
Vyjaŭlenaja Bloomberg schiema pakazvaje, nakolki składana vykonvać sankcyi, uviedzienyja suprać rasijskich enierhanośbitaŭ.
Ad pastavak rasijskaj nafty ŭžo admovilisia ZŠA, a Vialikabrytanija padrychtavałasia da anałahičnaha kroku da kanca hoda. Jeŭrasajuz uklučyŭ u svoj šosty pakiet sankcyj častkovaje naftavaje embarha, jakoje ŭklučaje zabaronu na marskija pastaŭki nafty. Miera pavinna być realizavanaja da kanca hoda.
